Lima ka local universities and colleges (LUCs) sa Central Visayas ang gi-delist o gitang-tang sa libreng tuition program sa Commission on Higher Education (CHED).
Kini ang gikompirmar ni CHED chairperson Dr. Prospero de Vera III atol sa iyang pagbisita sa Sugbo kagahapon Biyernes, Mayo 5, 2023.
Sa lima ka tunghaan nga na-delist, tulo niini gikan sa Cebu, ug duha sa Bohol.
Sa Sugbo ang mga tunghaan nga gitangtang sa programa mao ang Mandaue City College, Madridejos Community College, ug Sibonga Community College.
Matud ni De Vera ang maong mga LUC gi-delist human napakyas sa pagtuman sa mga rekisitos ubos sa Republic Act 10931 o ang “Universal Access to Quality Tertiary Education Act” isip minimum nga kinahanglanon alang sa mga eskuylahan nga magtanyag og usa ka programa sa degree.///