DISGRASYA ang 50 anyos human nakabangga og iro, nga nahitabo sa may P-1 Upper Langcangan Oroquieta City. kaniadtong Hunyo 6, 2021 niining tuiga sa may alas 5 sa hapon.
Giilang si Felipe Betanghol, 50 anyos, og residente sa Barangay Villaflor Oroquieta City.
Ang buhatan sa Bureau of Fire Protection nga ubos sa pagdumala ni SINSP Wilfredo P. Dagatan, daling miresponde human natawagan sa usa ka concern citizen ug walay 3 minutos nakaresponde sa naasoy nga nahitabuan.
Matud pa ni FO1 Jandelle C. Manguntra, ang usa sa personahe sa BFP, nga padulong na unta kining mupauli si Felipe, apan nabangaan niya ang usa ka iro nga maoy hinungdan nawad-an kini sa iyang panimuot ug kun pangutan-on kini sa miresponde dili kini mutubag tungod sa trauma nga iyang nahiaguman.
Ang pasyente gidala gilayon sa haduol nga balay tambalanan, alang sa first aid.( Cj Luzano)
