Timbog ang anim na mga kalalakihan matapos maaktuhang naglalaro ng tupada sa Sitio Centro San Miguel, Batangas City.
Kinilala ng Batangas City Police Station ang mga suspek na sina Anthony Asi y Magpantay, 25 anyos; Michael Cuz y Cuz, 36 anyos; Romulo Sarmiento y Vico, 55 anyos; Leo Andal y Malaluan; Welson Guico y Cuz, 45 -anyos, at Adrian Alo y Dapog, 20-anyos.
Ayon sa report ng Batangas CPS, bandang alas-11:15 ng umaga nitong July 23, 2023 nang maaktuhan mismo ng mga pulis ang mga suspek na naglalaro ng tupada.
Narekober sa mga ito ang dalawang panabong na manok at pustang ₱900.
Sa ngayon ay nasa kustodiya na ng mga otoridad ang suspek at nahaharap sa kasong paglabag sa PD 499.