“Dako kaayo ning tabang kay papa, malakaw lakaw ug dili na gyud siya maglisod inig pa check-up,” mao ang nahimong pamahayag sa anak ni
Tatay Florencio Lebantino, 74 anyos nga naglubog tungod sa sakit nga diabetes.
Gumikan sa taas ang sugar ug luya na ang iyang tuhod human ma-stroke tungod sa diabetes ug arthritis maglisod na kini sa pagbarog.
Kada adlaw, ang Bibliya ang iyang ginabasa samtang nagapahuway human sa iyang pag-walking matag buntag gamit ang suporta sa crutches.
Tungod naglisod sa paglakaw nga nag-inusara, nangayo kini og tabang sa KaBrigadahan GenSan ug ang iyang hangyo gitubag usab sa mga miyembro.
Mismo si Brigada Elmer V. Catulpos ang mihatod sa wheelchair sa panimalay ni Tatay Florencio sa Prk. Malinawon, Barangay Conel
Ang nasampit nga wheelchair kay gikan sa “singko, singko” nga donasyon sa mga miyembro sa KaBrigadahan Gensan nga gibansagan nga bayani ni Catulpos tungod sa ilang walay puas nga pagtabang sa ilang isigkatawo.