SORSOGON CITY – May 79 na kandidato sa lalawigan ng Sorsogon ang naghain ng kanilang COCs o certificate of candidacy ngayong national at local elections, ayon ito sa talaan ng Sorsogon Prov’l Comelec.
Ang 79 na kandidatong ito ay mag-aagawan sa 28 na posisyon mula sa House of Representatives hanggang sa Konsehal ng lungsod.
Ang mga posisyon na ito ay ang mga sumusunod: dalawa sa House of Representatives, isa sa Gobernador at Bise-Gobernador, 10 sa miyembro ng Sangguniang Panlalawigan, isang City Mayor at Vice-mayor at 12 City Councilors.
Sa House of Represenatives sa First District ay tatlo ang kandidato at at apat naman sa Second District.
Apat naman ang mag-aagawan sa iisang puwesto para sa Gobernador at tatlo naman sa Bise-Gobernador.
Sa City Mayor ay tatlo ang kandidato at sa Vice-Mayor ay dalawa lamang.
May 24 na kandidato naman sa Sangguniang Panlalawigan ang mag-aagawan sa 10 puwesto lamang samantalang sa Sangguniang Panlungsod ay 36 ang kandidato at mag-aagawan sa 12 puwesto.
Sa kabuuang 79 na kandidato, 63 dito ay lalaki at 16 lamang ang babae.