GI-ISYUHAN sa Protected Area Management Offices (PAMO) naa sa 80% sa mga beach resort sa Maasim ug Glan, Sarangani Province. Matud ni Joy Ologuin, Protected area superintendent (PASu) sa Sarangani Bay Protected Seascape (SBPS) nakalabay’ng bulan.
Naa sa 15 ka notices human misupak sa Republic Act No. 11038 or the Expanded National Integrated Areas System Act of 2018 (NIPAS) act. Sagad sa nakitang pagsupak mao ang pagtukod og estraktura sa coastal line sa maong mga lugar.
Tungod wala pay polisiya kalabut niini nga napagawas ang Protected Area Management Board (PAMB) wala pay nakabutang nga penalty. Apan sa pagsupak sa mga beach resort ang pagtukod sa estruktura sa coastal line sa mga nasangpit nga lugar. Dugang ni Ologuin, ang mga unang naisyuhan og notice of violation ang gipatambong nila sa technical conference.
Samtang duna nay resort nga nag-self demolish ug duna silay resort owner sa probinsiya nga napasakaan na og kaso. Nanawagan si Ologuin sa mga business owners nga mokuha una og permit ug clearances bag-o ang operasyon.
Ang paglukat niini ang aron masiguro nga himsog ug malahutayon nga paggamit sa protected areas. Ilawom sa maong balaud, ang protected areas ang Department of Environment and Natural Resources (DENR) ang dunay superbisyon niini pinaagi sa ilang Biodiversity Management Bureau. ( Richel Gubalani)