Dead on arrival sa ospital ang driver sang motorsiklo samtang pilason naman ang back rider sini matapos ang natabo nga aksidente sa Pob. Ilawod Panay, Capiz, takna alas 12:20 sang kaaganhon.
Ginkilala ang napatay kay Heart Agregorio, 21-anyos kag residente sang Brgy. Culajao, Roxas City, samtang pilason naman si Winnie Joy Tolipia nga residente sang Brgy. Bato sining syudad.
Sandig sa Panay Municipal Police Station, gikan ang duha sa banwa sang Panay kag magapauli na kuntani sa Roxas City sakay sa Yamaha Mio nga motorsiklo.
Apang, pag-abot sa lugar nga ginluntaran sang aksidente, wala matalupangan ni Agregorio ang under construction nga dalan rason nga nadisgrasya ang mga ini.
Ginapahayag nga naglampus ang lawas sang biktima sa ginwasak nga dalan kag nag-angkon ini sang patal nga pilas sa dughan.
Sa karon, nagapabilin sa Memorial Provincial Hospital si Tolipia para sa nagakigo nga pagbulong samtang ang bangkay ni Agregorio ang yara na sa iya ka punerarya sa syudad sang Roxas.