Dumating sa bansa ngayong umaga ang mahigit isang milyong doses ng AsraZeneca COVID-19 vaccine.
Ayon sa Manila International Airport Authority (MIAA), lumapag ang flight sakay ang 1,150,800 AstraZeneca vaccine doses sa Ninoy Aquino International Airport kaninang alas 10:10 ng umaga.
Binili ang mga doses ng local government units at private sector.
Dahil sa panibagng shipment, pumalo na sa halos pitong milyon ang kabuuang AstraZeneca vaccine doses na naideliver sa Pilipinas.
Kabilang dito ang mahigit apat na milyong doses mula COVAX Facility, at isang milyong doses na idinonate ng gobyerno ng Japan.