Gi-anunsyo sa Northern Mindanao Medical Center nga mudawat na og mga pasyente nga nagbaton sa mild-cases sa Coronavirus Disease 2019 ang Emerging and Re-emerging Infectious Diseases (EREID) facility sa Brgy. San Simon ning syudad.
Sa pakighinabi sa Brigada News FM Cagayan de Oro kang NMMC Liaison Officer Dr. Bernard Julius Rocha nga nakakuha na sila og lisensya aron maka-akomodar og pasyente.
Kahibaloan nga natapos na ang NMMC og lusad sa dry-run aron hingpit nang magamit ang maong pasilidad.
Gani sa pagpa-ngandam, unang gisulayan og confine ang mga personahe sa NMMC nga nagpositibo sa COVID-19.
Subay niini lauman nga mas mutaas pa ang kapasidad sa hospital health care utilization sa syudad ug matabangan ang NMMC nga dili mabug-atan sa pag-atiman sa mga kaso nga gidala sa maong hospital.