Boluntaryong misurender ang usa ka kanhi New People’s Army (NPA) sa sabakan sa gobyerno pinaagi sa joint operation sa mga otoridad sa Baguio District ning dakbayan sa dabaw. Ang surrendere giila nga si DANNY RANAN FUENTES alias “KA RIGOR”, 36 anyos, ulitawo ug kasamtangang residente sa Brgy. Tambobong, Baguio District, ning syudad.
Gisurender sab sa nahisgutan ang 2 ka armas, usa ka improvised M14, usa ka improvised shotgun ug upat ka M14 live ammos. Ang mga nakuhang items gikusdtodiya sa Baguio Police Station alang sa tukmang disposisyon.
Gibutyag ni alyas Rigor nga ang hinungdan matud pa sa kalisod ug walay tarong nga panginabuhian ang rason niini nganong mibalik kini sa sabakan sa balaod.
Nanawagan sab kini saiyang kaubanang rebelde nga mubalik na sa gobyerno aron nga mahatagan og tarong nga panginabuhian ug edukasyon ang ilang mga pamilya pinaagi sa mga gitanyag sa gobyerno ubos sa Enhanced Comprehensive Local Integration Program (ECLIP).
