Patuloy na gumaganda ang COVID-19 situation sa Pilipinas, matapos mapaulat ng Department of Health na nasa minimal risk na ngayon ang bansa sa case classification.
Ayon kay Health Undersecretary Maria Rosario Vegeire, ang average daily attack rate mula Nov. 22 hanggang Dec. 5 ay below one na, na ibig sabihin maari nang ibaba ang bansa mula sa low risk papuntang minimal risk.
Dagdag ng opisyal, nasa parehong classification rin ang 13 mula sa 17 rehiyon.
Kaugnay nito, tanging ang Metro Manila, Cordillera Administrative Region, Cagayan Valley, at Zamboanga Peninsula ang nasa ilalim ng low risk case classification.
Samantala, sa ngayon ang health systems capacity sa lahat ng rehiyon ay nasa low risk o under 50% use. //MHEL PACIA-TRINIDAD