Zamboanga Del Sur- Mas ta man lingasa ahora el Govierno local del Zamboanga Del Sur, despues que subi ya este na mas de Mil el total activo caso de COVID-19 na mencionao Provincia.
Base na ZAMBOSUR Covid-19 advisory del Integrated Provincial Health Office na Zamboanga Del Sur ya subi ya na 1046 el total active case na mencionao Provincia, mientras 4 el nuevo ya muri, 93 el nuevo caso y 50 el ya puede recopera.
Donde el mga lugar que tiene alto caso na mencionao Provoncia amo el Ciudad de Pagadian 458 ,el segundo el Municipalidad de Labangan 82, Dinas 63, Tambulig 35, Movale 48 , Lakewood 31, Ramon Magsaysay 32 y Aurora 32.
Mientrastanto lleno ya tambien el mga hospital este mga tiempo, el pidimiento solamente del Govierno Local del Zamboanga Del Sur con mga vivientes amo para coopera y no hace no bale nada con el COVID-19 cay monton ya vida el ya perde y debe cgi con el Health Protocols que ta implementa para hinde na mas man calayat pa el COVID-19.(BNFM Zamboanga)