Ginpaadaman it Aklan Police Provincial Office ro mga indibidwal nga padayon nga naga-intra sa illegal online bueang sa probinsiya it Aklan bisan nga ginpapundo eun raya ni Pangulong Rodrigo Duterte.
Base sa Provincial Intelligence Unit it Aklan Police Provincial Office (PIU-APPO), ginapasugtan gihapon romga manugbueang nga maghiwat it makarayang aktibidad pero sa mga lehitimo nga bueangan eamang.
Sa presente, nakipag-angot eun man ro mga otridad sa Regional Anti-Cybercrime Unit agud ma-trace ro URL ag website nga ginagamit it mga manugbueang nga maghiwat it iligal nga operasyon sa probinsiya it Aklan./JIL B. LACSON