Padayon nga nagasaka ang kaso sang CoVid-19 sa probinsya sang Capiz, matapos nakabalhag sang dugang nga 14 ka panibag-o nga kaso base sa pinaka-ulihi nga datos nga ginpaguha sang Provincial Health Office (PHO) napetsahan Mayo 5, 2023.
Sandig sa report nga Provincial COVID-19 Case Bulletin, sa pangkabug-osan naglab-ot na sa 13,675 ang numero sang confirmed cases sa probinsya; 13,069 dire ang nag-ayo kag may 579 nga nagkalamatay bangud sa amo nga balatian.
Wala naman sang narekord nga dugang ngaginbawian sang kabuhi bangud sa nasambit nga kagaw
Padayon naman ang panugyan sang Provincial Health Office nga sundon ang minimum health protocols kaangay sang pagsuksok sang facemask kag social distancing.//END