Malaki ang inaasahang tapyas-presyo sa mga produktong petrolyo sa susunod na linggo.
Matapos ang apat na araw na international trading, naglalaro sa P2.40 hanggang sa P2.80 ang posibleng i-rollback sa kada litro ng diesel.
Sa gasolina naman, mayroong inaasahang P0.50 na rollback hanggang sa P0.90 sa kada litro nito.
Bawas-presyo rin ang inaasahan sa kerosene mula P1.40 hanggang sa P1.80.
Mayroon pang isang trading day at posible pa itong mabago.
Sa araw ng Lunes ia-anunsyo ang opisyal na price adjustment, at ipatutupad ito sa araw ng Martes.