Nakalista ro banwa it Malay sa Aklan it 60 kaso it dengue umpisa pa ku buean it Enero.
Ro mga kaso it dengue ay nailista halin it Enero 1 hasta Agosto 18, nga owa it nailistang namatay nga may kaangtanan sa dengue.
Ro tatlong barangay sa isla it Boracay nga Yapak, Manocmanoc ag Balabag, hay nag abot sa 53 porsiyento o 32 porsiyento ro mga kaso it dengue.
Ro Brgy. Manocmanoc hay nakalista it 20 dengue cases, samtang ro Balabag ag Yapak hay may tig an-um nga kaso.
Ro Brgy. Caticlan ag Motag hay naglista it tig pitong kaso it dengue, roArgao hay may ap-at ag ro Brgy. Poblacion ag Balusbos hay may tig tatlong kaso.
Ro mga barangay Napaan, Cabulihan, Cubay Norte ag Cubay Sur sa mainland Malay hay may tig-sambilog nga kaso.
Samtang, halin ku July 1 to August 18, may kabilugan nga 31 dengue cases ro nai-report.
Kaabuan sa mga kaso it dengue hay naireport sa Manocmanoc nga may an-um, ro Caticlan ag Balusbos sa mainland Malay hay may tig-daywang kaso.
Sa 17 barangay, ro Nabaoy, Cogon, Dumlog, Naasog ag Sambiray ro may zero dengue cases.
Gin-engganyo it MHO-Malay ro mga barangay nga ipadayun ro pagkontrol ag paglikaw kontra sa sakit nga daea it namok. / ANN DESLENE SALAZAR