Isang panalo nalang ang kailangan ng Milwaukee Bucks upang tuluyang makausad sa NBA Finals.
Dinomina ng Bucks ang Atlanta Hawks sa kanilang home court sa Game 5 ng Eastern Conference finals na nagtapos sa 123 – 112.
Kapwa hindi naglaro ang mga star player ng dalawang koponan na sina Giannis Antetokounmpo sa Milwaukee at Trae Young para sa Hawks dahil sa kani-kanilang injury.
Nagtulong-tulong ang supporting cast ng Bucks para pataubin ang bisitang koponan sa pangunguna ni Brook Lopez na humakot ng 33 points at 4 blocks.
Nag-ambag din sa scoring sina Khris Middleton ng 26 points, Jrue Holiday na may 25 points, at Bobby Portis na may 22 points.
Samantala nanguna sa Hawks si Bogdan Bogdanovic sa kanyang 28 puntos at tig-19 puntos naman ang hinakot nina John Collins at Danilo Gallinari.
Susubukan naman ng Hawks na itabla ang serye sa Game 6 kung saan gaganapin sa kanilang home court sa Linggo.