IPA-ILAWOM na sa Alert level 1 system sugod ugmang adlawa Marso 1 hangtud Marso 15 ning tuiga ang siyudad sa Cagayan de Oro.
Basi kana sa pamahayag nga giluwat ni IATF Spokesman Karlo Nograles sa pinaka-ulahing press briefing nga natigayon gikan sa Palasyo.
Hisayran nga ang Alert Level 1 ang pinaka-luag nga gabayan sa Pandemya diin gitogotan na niini ang halos tanang patigayon sa pag-abli ingon man sa paghatag og panugot sa full capacity sa maong mga establishemento.
Gibasehan usab sa maong Alert level ang padayong pag-ubos sa kaso sa Covid-19, lakip ang pag-ubos sa bed utilization rate ug intensive care utilization rate sa usa ka lugar.
Samtang sa tibook Rehiyon-10 lakip usab ang Probinsiya sa Camiguin sa gipa-ubos sa maong Alert Level system. – END – (AD)