Gipasidunggan kagahapon sa National Government ang nagkadaiyang mga local government units lakip ang siyudad sa Sugbo nga nakakab-ot og nakalapas sa ilang vaccination targets atol sa gihimong national vaccination drive.
Nasayran nga ang Cebu City ang napili nga best performing city sa unang round sa pagpamakuna diin aduna kini’y labing daghang doses nga na-administer sa tanang mga syudad sa tibuok nasud nga anaa sa 103,828.
Ang siyudad, nakadawat og P25,000 nga balor sa gift certificates og usa ka plaque of recognition gikan sa Inter-Agency Task Force for the Management of Emerging Infectious Diseases.
Ang syudad sa Sugbo ang nag-inusarang LGU sa Visayas nga gihatagan og pag-ila kagahapon.
Samtang ang Laguna ang napili nga top performing province nga naka-administer og 271,989 vaccine doses.
Ang top three municipalities nga adunay labing taas og ihap sa doses nga na-administer niadtong Nov. 29 ngadto sa Dec. 1 mao ang Rodriguez sa Rizal nga adunay 39,383; Tanza, Cavite nga dunay 25,277; og Arayat, Pampanga nga naka-injek og 20,955.