GIMANDO na ni PCol. Jomar Alexis Yap GenSan City Police Director ngadto sa tanang presinto ang pag-alerto sa tanang checkpoint area pagawas ug pasulod sa syudad kini dungan sa pagpusil patay kang PCPL Rasul Alongan nga nadestino sa Intelligence section sa Tambler Police station.
Tumong sa opisyal nga masigurung dili makasibat palayo ang mga suspek nga namusil kang PCPL Alongan samtang kini ang nagkaon sa usa ka fastfood restaurant sa Purok 11-A, Barangay Fatima.
‘’Continue ang hot pursuit operation natin, nagconduct tayo ng mga checkpoint, lahat ng checkpoint natin inalarma natin, talagang nakakagulat dahil karumaldumal ang pagpatay ng mga suspek sa aming pulis’’ asoy ni PCOL Yap.
Nasayran nga kanunay nang nagakaon sa lugar ang biktimang Pulis ug atol sa iyang day-off nahitabo ang pagpamusil punting sa ulo niini nga maoy hinungdan sa iyang kamatayon.
Gikuha na sa pamilya ang patayng lawas sa bagitong Pulis ug ilubong alayon sa ilang tradisyon. I Enamie Mogpon