Ginpatikangan na Department of Health Eastern Visayas an ‘Chikiting Ligtas’ immunization drive dida han Mayo 2 ha Brgy. 99 Diit gymnasium siyudad han Tacloban.
Target naman ha siyudad nga mabakunahan kontra measles ngan rubella an 29,000 nga mga kabataan nga nag-eedad 9 tubtob 59 months samtang 0 ngada ha 5 years old para ha polio vaccine.
Sumala kan Tacloban City Mayor Alfred Romuldez, plano han siyudad nga magdumara hin weekend immunization agud makab-ot an 1,000 nga mga kabataan kada semana ngan ma-cover an mgaeligible population.
Presente naman ha mao nga aktibidad hi Tacloban City Health Officer- Dr. Danilo Ecarma, City DILG Representative nga hi Mr. Frederick Pangilinan, WHO Consultant- Dr. Tadesse Birru ngan an Regional Director han DOH Eastern Visayas CHD nga hi Dr. Exuperia Sabalberino
Ini nga nationwide immunization campaign in pagdudumaraon tubtob May 31, 2023.
Gin-aaghat naman han buhatan an mga kag-anak pumakadto ha tagsa vaccination sites agud pabakunahan hin Measles, Rubella ngan Oral Polio Vaccine an tagsa mga anak.