KALIBO, AKLAN—Humampak eon sa 1,619 do kumpirmadong kaso it coronavirus disease 2019 (COVID-19) sa bilog nga probinsya it Aklan.
Base sa datos nga ginpaguwa it Aklan Provincial Epidemiology and Surveillance Unit as of May 3, 2021 raya hay bangud sa sambilog nga panibag-ong nagpositibo sa deadly virus halin sa mga banwa it Kalibo.
Dumugang man do sangka 68 anyos nga babaye nga taga-Batan, Aklan sa mga COVID-19 related deaths ngani nga nagaabot eon raya sa 39.
Samtang padayon man nga nadudugangan do mga nagmaeayad nga nagaabot eon sa makarun sa 1,440 ag do aktibong kaso sa probinsya hay nagabilin sa 140. // SHERRY ANNE REUNIR-VIDAL