MAS nahimong paspas ang mass vaccination activities sa region-12 batok COVID-19 tungod sa padayung pag-abot sa dugang mga bakuna sa lugar.
Segun pa ni Dr. Edvir Jane Montañer, immunization manager sa Department of Health kun DOH-12 nga sukad niadtong Huwebes ang mga rural health units kun RHU’s ang midoble sa ilang pagpaningkamot aron makuha ang dugang eligible nga ihap sa mga indibidwal sa ilang daily basis ug ma-maximize ang paggamit sa available nga bakuna.
Segun ni Montañer ang vaccine supplies nga gihatod sa national vaccine operations center sa region-12 ang pabiling gidugangan sa milabayng tulo ka semana ug dugang suplay pa ang gilauman sa muabot nga semana samtang gidungan usab sa RHU’s ang ilang coverage.-