MOKABAT sa duha ka bilyon ka pesos ang gipagawas sa Department of Social Welfare and Development kun DSWD isip cash grants sa unang unom ka bulan ning tuiga ngadto sa mga beneficiaries sa maong programa.
Matud ni Restituto Macuto, DSWD Region 12 director, ang maong grants ang direktang gi-disbursed sa 194,960 poorest of the poor households sa rehiyon nga covered sa inisyatibo nga gitawag nga Pantawid Pamilyang Pilipino Program o 4Ps.
Matud niini, gi-release kini sa regular payouts kada duha ka bulan pinaagi sa cash cards sa recipients. Gipaniguro ni Macuto nga ang mga beneficiaries ang makuting gi-validate pinaagi sa ilang personnel ug ang grants ang gibase sa ilang compliance sa mga kondisyones sa programa.