Andam nga mutabang ang Department of Agriculture Central Visayas (DA-7) sa mga mag-uuma nga maapektuhan sa nagsingabot nga El Niño phenomenon.
Matud ni Dr. Angel Enriquez, executive regional director sa DA-7, ilang sutaon ang mga lugar sa rehiyon nga vulnerable sa El Niño sama sa Cebu, Bohol, Siquijor ug Nergos Oriental.
Gipadayag niini, nga makig-koordinar sila sa mga Local Government Units (LGUs) arun daling ma-aksyunan ang kabalaka sa mga mag-uuma tungod sa grabeng init nga panahon.
Nakigtinabangay usab sila sa National Irrigation Administration, arun masiguro nga adunay igong tubig nga magamit ang mga mag-uuma.
Gibutyag sa opisyal nga kasagaran sa planting season magsugod sa buwan sa Mayo o Hunyo.//