Kinumpirma ng World Health Organization na nagiging dominant variant na ng COVID-19 sa buong mundo ang Delta na unang nadiskubre sa India
Ito ang kinumpirma ni WHO chief Scientist Soumya Swaminathan kasabay ng paghahayag niya ng pagkadismaya sa kabiguan ng CureVac vaccine candidate sa trial na maabot ang efficacy standard ng WHO.
Ipinaliwanag ni Swaminathan na ang kanilang pangamba ay dahil sa mas mabilis na transmission ng Delta kumpara sa ibang variant
Una nang nagkumpirma ang Britanya ng pagtaas ng infections ng Delta variant habang nangangamba rin ang Germany na magiging mabilis din ang pagtaas ng infection sa kanilang bansa sa kabila ng mataas na vaccination rates.
Matatandaan na nasa 13 variants ng virus ang nadiskubre sa study population ng CureVac kung saan napag-alamang 47% effective sa pag-iwas sa virus ang mga bakuna pero mas mababa sa 50% benchmark ng WHO