GIKOMPIRMA ni Deped Gensan City Schools Division Superintendent Romelito Flores nga magpabilin gihapon ang paggamit og modules, online classes, ug radio based instruction sa paghatod og pagtulun-an alang sa mga estudyante sa tibuok syudad gikan sa elementary hantod highschool.
Kini human nga gipailawom na sa alert level 3 ang Gensan, sukad Enero 16 hantod 31, 2022. Pipila sa mga health standard ang kinahanglang masunod ug gitugutan lamang ang mga magtutudlo nga motungha sa eskwelahan tulo kaadlaw kada semana.
Ang maong mga lakang nga gihimo ang aron masiguru nga luwas ang mga estudyante lakip mga magtutudlo tungod posible nga mataptan sa COVID-19 ang usa ka indibidwal kong kanunay kining ma-expose sa gawas.
Gitambagan usab ni Flores ang tanang ginikanan nga kong mamahimo sila usa ang magkuha og mga modules alang sa ilang mga anak, ug siguruhon ang pagsoot og facemask kong moadto sa eskwelahan. I Enamie Mogpon