GILATAG sa Lokal nga panggamhanan sa Gensan ang pipila ka mga aktibidad nga hugot gibawal human gipailawom sa National Inter Agency Task Force (NIATF) ang syudad sa alert level no. 3. Sugod Enero 16 hantod 31, 2022 gisuspende na ang face to face classes, gibawal ang mga contact sports, peryahan, gidili usab nga mag-operate ang mga karaoke bars. Hugot usab gibawal ang pagsugal sama sa sabong ug uban pa nga maka-aghat sa panagtapok sa mga tawo.
Samtang limitado lamang sa 30% ang kapasidad sa mga tawo sulod sa mga pribado ug pampublikong opisina sa gobyerno. Gilimitahan sa 30% ang indoor capacity samtang kutob lang sa 50% ang outdoor capacity sa mga conference hall, tourist spot, fitness studio, sinehan, simbahan, ang pag-dine in sa mga kan-anan limitado usab lakip ang ihap sa mga tawo nga makasulod sa mga establisyemento.
Ang maong lakang nga gihimo sa LGU ang hugot nga ipatuman sugod sa nahisgotang petsa aron masiguru nga dili na mokatag pa sa dakbayan ang kaso sa COVID-19. I Enamie Mogpon