BICOL – “NASA katutubo ang ugat ng lahing Pilipino.”
Ini an tinawan duon ngunyan kan Department of Social Welfare and Development -Bicol kasabay kan pagcelebrar kan National Indigenous Peoples Month ngunyan na bulan nin Oktubre.
Obheto kan selebrasyon na tawan nin pagbisto an dakulang kontribusyon kan mga katutubo sa pagkakaigwa nin katangian na iyong pagiromdom na an mga Pilipino an naiiba sa ibang nacion asin ibang kultura.
Katakod kaini liwat tinawan duon kan ahensya an mga ley na minaprotehir sa kapakanan asin direcho kan mga Katutubong Pilipino o IPs na nakapalaman sa Indigenous Peoples Rights Act o IPRA.
Kabale digdi an direcho kan mga Katutubo sa Lupa at Lupang Ninuno o Right to Ancestral Domain and Lands; Karapatan sa Pamamahala at Taglay ng Kapangyarihan o Right to Self-Governance and Empowerment; Katarungang Pangsambayanan at Karapatang Pantao (Social Justice and Human Rights) at Karapatan sa Kultural na Kagalingan o Rights to Cultural Integrity.
Apela kan ahensya sa publiko, maging katuwang sa pagbubusol sa pangangataman sa mga katutubong sociedad siring man sa paaging ini matiner na buhay an saindang mga tradisyon asin kultura na simbolo kan kolektibong pamana kan satuyang mga ninuno.
Temakan selebrasyon kan National Indigenous Peoples Month nguyan na taon iyo an : IPRA @ 24: Ang paglalakbay ng mga Katutubong Mamamayan para a Tunay na Pagkilala, Paggalang at Sariling Pamamahala.