Pagpapasalamat an iginbalos han mga pamilya nga nagbabantay ha duha nga centenarian ha Probinsya han Biliran.
Ha pangunguna ni DSWD Field Office VIII Regional Director, Grace Q. Subong ngan Centenarian Focal, Menchie Elizondo, nakarawat nira Lolo Divino tikang ha munisipalidad han Culaba ngan Lola Teodora tikang ha munisipalidad han Kawayan an surat tikang kan Presidente Ferdinand R. Marcos Jr. ngan P100,000 cash grant dida han nakalabay nga Marso 13, 2023.
Umatindir gihapon ha tagsa ceremonial awarding an Municipal Mayor han Kawayan, Atty. Manolo Rubi sugadman an Municipal Mayor han Culaba, Humprey Olimba, agud personal nga ighatag an centenarian incentive ngan priviledge nga hatag han ira tagsa Local Government Unit (LGU).
Basar ha RA 10868, naghihingyap an Centenarian Program nga matagan an hin o man nga Pilipino, aadaman ha sakob o gawas han nasud, nga umabot ha edad nga 100 anyos nga matagan hin P100,000 nga cash grant kumo usa nga pagkilala ngan paghahatag hin importansya matungod umabot na ini ha nasabi nga edad.
Usa nga mensahe naman ha mga magiging centenarian ngan ha mga pamilya hini nga pumakadto la ha tagsa LGU o pinakaharani nga DSWD Sub-field Offices (SFOs) agud dumangop ngan kumuha hin mga impormasyon bahin ha pag-avail han programa.