MOKABAT sa dul-an lima ka libo ka mga pangalan sa mga botante ug registrants sa General Santos City gipapas sa taga Comelec gumikan sa managlahi nga mga rason.
Gikumperma ni Election Assistant IIMelvin Queñanola nga ang napaspas nga pangalan gumikan namatay na ang botante anaa sa 1,675, sa nag balhin sa laing dapit anaa sa 2,035 ug sa doble ang registration record anaa sa 1,004,sa katibuk-an anaa kin isa 4,953 ka mga pangalan.
Gidugang ni Quenanola nga ginalauman nga aduna pay laing talaan sa mga botante ang ipagawas sa Comelec Central Office nga doble o multiple ang registration record gikan sa ulahing pagdawat ug magpa rehistro, tungod niini lauman usab nga adunay special meeting ang Election Registration Board sa Comelec.
Ang tambag ni Quenanola sa mga botante nga likayan nga ma doble ang pagparehistro aron makaboto sa piniliay, kon mo balhin sa ubang dapit dapat mosulti sa tinuod atol sa registration aron husto nga form ang masulatan. I Ver Diazon