Gin dakup it mga kapulisan ru sangka eaeaki nga naga hupot it illegal nga baril sa sangka Christmas party sa Brgy. Feliciano, Balete, Aklan.
Sa imbistigasyon, nakilaea ru eaeaki nga si Sherio Gervacio, 39 anyos it Brgy. Pampango, Libacao.
Gina paila-ila sigun it eaeaki ru baril sa mga bisita nga naka sueod sa sling bag rason nga gin report sa mga otoridad.
Sa pag responde it mga otoridad, nakumpiska ru 45 calibre nga baril; 2 magazine ag 6 live ammo.
Kulong sa makaron ru eaeaki sa Balete Municipal Police Station ag maga pangatubang it kaso sa pag-eapas sa Republic Act 10591 o Comprehensive Fire Arms and Ammunition.//MARIVIC Y. ILIN