GIPANIGURO sa foreman sa construction sa dugang nitso sa Antonio C.Acharon Memorial Park kon ACAMP nga si Manuel Persigas gikan pa sa Davao City nga ilang ayuhon ang ilang trabaho,sumala niini nga magbohus na sila og semento alang sa mga poste sa mga nitso.
Gisiguro niini nga masunod ang specifications sa proyekto,ang mixing sa semento ug balas ug ang standard nga mga kabilya aron sigurado nga lig-on.
Samtang nagbesita sa ilang lubong sa ACAMP ang pamilya Consigna gikan sa Lanton, Brgy.Apopong Marso 16 sa buntag.
Sumala kay Edgardo Consigna, 59- anyos,ilang giduaw ang lubong sa ilang anak nga namatay sa cardiac arrest.
Ang iyang masulti nga maayo na ang kahimtang sa ACAMP.
Segun usab kay Nanay Violeta, 56-anyos nga layo na kaayo ang kahimtang kaniadto nga nagpasad lang ang mga lubong ug lisod pangitaon.
Sa karon hapsay ug lapad kaayo ang hawan sa pampublikong semeteryo sa General Santos City. I Ver Diazon