Pwede na makapresentar sang ila sini nga vaccination card ang mga nakatapos ukon nakakumpleto na sang ila sini nga bakuna ukon ang mga fully vaccinated nga mga pumuluyo sang probinsya sang Negros Occidental makaligad ang duha ka semana.
Ginpahayag ni Provincial Administrator Atty. Rayfrando Diaz II, ang vaccination card amo ang “replacement” ukon ang igabulos sa gina-rekirer nga RT-PCR test sa mga nagapala-uli ukon nagabiyahe nga mga taga-Negros Occidental.
Suno kay Diaz kun sadto kinahanglan ang negative result sang RT-PCR sa S-pass program sang gobyerno agud pahanugutan makasulod, apang sa karon ang vaccination card na lamang ang kinahanglanon para sa mga may handom sa pagbiyahe pauli padulong sa natungdan nila sini nga mga lugar sa probinsya.