GATUSAN ka mga fishing boat ang miduyog sa fluvial procession sa ika-45 ka tuig nga kapiestahan ni Sr.Sto.Niño de Bula.
Gani matud sa chairperson sa fluvial procession committee nga usa sa mga fishing magnate sa Gensan nga usa kini sa may pinakadaghang partisipante nga mga bangkang panagatan nga miapil sukad ang pandemya.
Gawas sa daghang mga panagatan, halos midoble usab ang mga deboto nga misaksi sa kapiestahan ingon man ang mga bisita nga naggikan pa sa nagkadaiyang bahin sa GenSan ug kasikbit nga mga lugar.
Hugot usab ang seguridad nga gipatuman sa kapulisan ug kasundalohan nga sa matag corner may mga nakabantay samtang giduyogan sa taga Coast Guard ang fluvial parade.
Ang tema sa 45th Patronal Fiesta sa Sto.Niño de Bula 2023 mao ang “Sr. Sto.Niño Giya sa Katawhan sa Bula Padulong sa usa ka Simbahan nga adunay Panaghiusa, Pagtinabangay ug Misyon.
Adunay 10 ka pari ang nag-officiate sa misa, sugod alas 4:30 sa buntag, Enero 15 hangtud alas 10 sa gabii.