PRIORITY sa bakuna batok COVID-19 ang GenSan segun sa pagbutyag ni National Task Force Against COVID-19 Chief implementer Secretary Carlito Galvez Jr.
Nakigtagbo si Galvez sa mga mayor ug gobernador sa region-12 alang sa paghatod sa update sa bakuna ingon man ang paghimo og lakang aron mapugngan ang pagsulod sa Delta variant sa rehiyon.
Gitino niini nga ang GenSan kinahanglang protektahan isip economic hub tungod kini ang gakolekta sa virus ug maoy gapang apod apod usab sa mga silingang lugar mao nga unahon kini sa pagbubo og mga bakuna.
Segun ni Galvez, kung protektado na ang GenSan, protektado usab ang tibuok region-12.
Ginatan-aw matud pa ang importansya sa lugar, sama sa GenSan nga anaa ang fishport ug mga cannery mao nga usa sa mga superspreader ug gustong protektahan tungod sa dakong natampo niini sa ekonomiya.
Samtang gitino nga ang moabot nga bakuna sa Johnson and Johnson ang gamiton lang alang sa wala pa nabakunahan nga A2 ug A3. Sa mga A4, gipasalig sa opisyal nga gilayung sugdan kung moabot na ang alokasyon nga bakuna alang sa maong grupo asa ang priority anaa sa 40-anyos pataas ug kadtong taas ang vulnerability nga matakdan sa virus.