DUNGAN sa mandu sa hepe sa kapulisan sa pagpakusog sa pagbantay sa seguridad batok kriminalidad sama sa pagpamusil. Gibutyag ni PCol. Paul Bometivo, director sa GenSan City Police Office (GSCPO) nga abli siya sa pagpatuman sa ‘one strike’ policy sa walo ka police unit commanders.
Apan, buot niyang iagi og sakto nga proseso sama sa pagpahigayon og imbestigasyon ug assessment sa ‘performance’ sa commander. Kung mapamatud-an ang kakulangon sa commander sa iyang trabaho, dili matud pa siya magduha-duha nga tanggalon kin isa pwesto.
Kini ang tubag ni Bometivo sa suhestyon ni Konsehal Jose Edmar Yumang, chairperson sa Peace and Order committee sa konseho. Ang pamahayag usab ni Yumang ang dungan sa sunod-sunod ngs insidente sa pagpamusil-patay ug taho sa illegal gambling. Sa taho sa GSCPO, gikan Enero 1 hangtud Hunyo 3, 2022 nakatal ang siyudad og 20 ka insidente sa pagpanulis.
Naa sa 62 ka insidente sa pagpangawat ug kinsa ka insidente sa pagpamusil. Sa pagpamusil, napulo ang naresolba ug na-cleared samtang lima ang giimbestigahan apil ang kaso sa bank manager nga si Peter Salvador. I Richel Gubalani