MAKIGSABOT ang kapulisan sa mga barangay opisyal sa GenSan kalabut sa hangyo nilang pagbutang og checkpoint sa mga hilit nga dapit.
Kini dungan sa pipila ka insidente sa pagpamusil-patay sa dakbayan mga nakalabay’ng adlaw.
Matud ni PCol. Gilberto Tuzon, director sa GenSan City Police Office (GSCPO) dunay mga checkpoints sa daghang bahin sa dakbayan.
Lakip gibutangan og checkpoints ang mga border sa GenSan nga gipadagan sa naa sa 80 ka sakop sa GSCPO.
Apan ang mga insidente sa pagpamusil ang sagad na nahitabo sa mga hilit nga bahin sa GenSan rason sa paghangyo sa kapulisan sa barangay.
Sa pagbutang og checkpoints sa ilang mga lugar nga pagabantayan sa mga tanod.
Kahibaloan nga ang ulahing insidente sa siyudad ang nahitabo sa Nursery Road, Barangay Lagao, Biyernes sa buntag.
Asa ang napusilan usa ka collector sa lending company sa dakbayan. I Richel Gubalani