GIANDAM na sa LGU-GenSan ang pondo aron ipalit og cold storage facilities nga kabutangan sa ubang brand sa bakuna kontra Covid-19.
Matud ni Dr. April Mae Maquilang, immunization coordinator sa siyudad ang pagpangandam nila ang sa posibleng pag-abot sa alokasyon sa bakuna sama sa Pfizer, Moderna ug uban pa nga dunay mga kinahanglang ma-stored sa tamang temperature aron dili madaut.
Takda nang mopalit sumala pa ang LGU og dugang Ice Lime Refrigerator (ILR) apan wala niini gibutyag kung pila ang gigahin nga pondo.
Ang bakuna nga ginama sa Pfizer ang kinahanglan ma-store sa labing bugnaw nga lugar sama sa winter sa Antarctica.
Ang bakuna sa Moderna ang kinahanglan nga frozen apan kinahanglan naay minus 20 Celsius o sama sa regular freezer.
Kasamtangan dunay tulo ka ILR sa GenSan nga gibutangan karon sa vaccine allocation sa Sinovac ug AstraZeneca. ( Richel Gubalani)