Suportado ni Governor Fredenil Castro ang pambato sang Capiz nga si Joshua Bernabe Azares para sa maabot nga Mister Youth International Pageant 2023 nga pagahiwaton sa pungsod Indonesia sa bulan sang Mayo sining tuig.
Ginpasiguro sang gobernador kay Azares sa iya pagbisita sa talatapan sini, nga suportado sang gobyerno probinsyal ang iya journey sa nasambit nga kompetisyon bangud isa ini ka dako nga bugal para sa probinsya.
Nahibaluan nga si Azares ang tumandok sang Brgy. Milibili sa siyudad sang Roxas kun sa diin ginkoronahan bilang Hari ng Pilipinas 2022- Lakan ng Kabataan sa Ormoc, Leyte sang tinalikdan nga tuig 2022 matapos ginlutos ang kapin 40 ka mga kandidato nagikan sa magkatuhay nga syudad kag probinsya sa pungsod.//KMD Gicalde