Grounds kung bakit pinababasura ang MIF, inisa-isa ng petitioner

Isiniwalat ng isa sa mga Petitioner laban sa pagdeklarang unconstitutional ang Maharlika Investment Fund (MIF) ang tatlong grounds kung bakit dapat itong ipahinto.

Sa panayam ng Brigada News FM kay Atty. Carlos Isagani “Kaloi” Zarate, former Bayan Muna Rep at isa sa mga Petitioner ng MIF, sinabi nito hindi pasok sa batayan ng isang batas para i-certify ni Pangulong Ferdinand ‘Bongbong’ Marcos Jr. na urgent ang MIF.

Dagdag pa rito, nilalabag din ng MIF ang independence ng Bangko Sentral ng Pilipinas bagaman aminado si Zarate na may exception talaga para madaliin ang isang panukala na ngunit hindi pasok dito ang nasabing batas.

Kung maalala, inihain nila Bayan Muna chairman Neri Colmenares, Atty. Zarate, Ferdinand Gaite, at Senate Minority Leader Aquilino “Koko” Pimentel III ang petition for certiorari and prohibition na may Temporary Restraining Order (TRO) sa Korte Suprema.