Kulong sa Batan PNP ro sangka eaeaki matapos raya nga madakpan it kutsilyo sa Brgy. Angas, Batan, Aklan.
Ginkilaea ro suspek nga si Reynald Bolivar, residente sa lugar ag sa idaeum it impluwensya it aeak kat madakpan.
Sa report, samtang, naga patrolya sa lugar ro Batan police hay may sangka babaye segun ro nagpara kanda ag nagreklamo nga may naga inuman sa sueod it andang baeay ag indi eon imaw makasueod.
Pirme eon lang segun nga may naga inuman sa andang baeay ag indi nana masita bangud nahuya imaw eabi pa ag barkada ro mga raya it anang namatay nga asawa.
Pero bangud pirme eon lang segun sa andang baeay ro grupo kaeakip ro suspek hay nagdesisyon imaw nga ireklamo ro mga raya sa pulis.
Bangud kara hay ginrespondehan it mga pulis ro baeay ag nakita eagi ro suspek nga may kutsilyo sa hawak.
Nagapangatubang man ro suspek sa kasong pag eabag sa Batas Pambansa Blg. 6 o Illegal Possession of Bladed Weapon, ag Disobedience Upon Person in Authority. / ANN DESLENE SALAZAR