Igo nga power supply ang andam nga i-transmit sa National Grid Corporation of the Philippines ngadto sa nagkadaiyang distribution mobilities aron masiguro nga wala’y mahitabo nga power interruption sa May 9, 2022 National and Local Elections.
Gibutyag ni NGCP regional communications and public affairs officer, Mae Curiano nga karon palang daan nagpahigayon na sila sa maintenance activities ug ang pakig-alayon sa mga ahensya lakip sa energy generators ug electric cooperatives.
Hugot sab ang koordinasyon sa NGCP ngadto sa Commission on Elections diin sunod-sunod sab nga panagtigom ang gilusad.
Hangyo sab ni Curiano sa katawhan nga kung adunay mamatikdan nga buot mosabotahe sa mga transmission line nga diha-diha nga i-report sa mga otoridad aron mahatagan sa aksyon.