Hugot nga gipanghimakak ni 1st district congresman Diego Nonoy Ty ang alegasyon ni kanhing Oroquieta City Mayor Jason Almonte nga matod pa giangkon niini ang proyekto sa iyang amahan nga si former 1st district congressman George Almonte.
Matod pa ni Congressman Ty propaganda lamang kini ni Almonte ug klaro nga sayu nga pamulitika, tungod kay ang tanang proyekto sa iyang amahan wala niya kini giangkon, Hinoon iya kining gipadayon tungod kay kini maayu nga proyekto ug makabinepisyo ang katawhan sa unang distrito.
Samtang, sa isyu usab nga adunay kurapsyon nga nahitabo, hugot usab kini nga gipanghimakak sa kasamtangang congresista, tungod kay miagi kini ug insaktong bidding sukwahi sa gialigar nga adunay gipili nga mga contractor para makaapil sa mga bidding sa mga proyekto sa unang distrito ning lalawigan sa Misamis Occidental.
Pinaagi sa programang Tira Brigada gipaabot ni Ty ngadto kang kanhing mayor Jason Almonte nga dili siya makasabot sa pamaagi kay wala pa kini makaagi pagka congressman ug andam siya nga tudluan kini kong gikinahanglan. Sa katapusan gipaklaro ni Ty nga kining tanan klarong adunay nagpaluyung hinungdan nga mao ang politika.(Donyor Canillas)