NAKITA sa health authorities sa GenSan ang kalit nga pagsipa sa kaso sa Covid-19 sa siyudad. Gikan sa tulo ka kaso atong Enero 05 nga natala misaka kini sa 19 ug atong Biyernes mikatkat ang kaso sa impeksyon sa 26.
Matud ni Dr. Fidel Peñamante, president sa local chapter sa Philippine Medical Association (PMA) ang pagkumpyansa sa publiko atol sa holidays asa daghan ang nagpahigayon og reunions, parties ug mga outdoor activities ang rason sa subling pagsipa sa kaso.
Dugang sa rason ang daghan gihapong indibidwal sa GenSan ang wala pa nabakunahan. Kasamtangang wala pa nakab-ot ang siyudad ang herd immunity o pagbakuna sa aktwal nga populasyon. Sa ulahing datus sa City Health Office naa pa lang sa 64% gikan sa 459,732 target population ang nabakunahan. I Richel Gubalani