GIKATAKDANG pasakaan sa kasong paglapas sa RA9165 (The Comprehensive Dangerous act of 2002) human napalitan sa gitoohang ginadiling druga ang kanhi sakop sa Philippine National Police og usa ka negosyante sa may Purok 3, Brgy. Bagontaas, Valencia City, Bukidon.
Sa kampanya kontra illegal nga druga nga padayong gihingusgan sa Police Regional Office 10 sa pagpangulo ni PRO-10 Regional Director Police Brigadier General Benjamin C. Acorda Jr., malampusong nasikop ang mga suspetsadong gi-ilang sila Crisanto T. Bernardo, kanhi sakop sa PNP, residente sa P-15 Brgy. Casisang, Malaybalay City ug ang usa ka Gilberto R. Tabique, flower shop owner ug residente usab sa P-11, Poblacion, Valencia City, Bukidnon.
Nakuhaan ang duha sa 12 ka paketi sa gitoohang shabu nga mitimbang og 12 gramos nga adunay Standard drug price nga 81,600 ka pesos lakip ang usa ka PNP ID, 2 ka cellphone og ang 500-peso bill isip buy-bust money.
Samtang mga kompiskadong gitoohang druga anaa na sa Bukidnon Provincial Forensic Unit alang sa qualitative and quantitative examination.