CEBU CITY -Muabot sa 700 ka polis ang gipakatap sa Police Regional Office-7 alang sa seguridad sa pagtambong ni Presidente Ferdinand Marcos Jr. sa Apec Business Advisory Council meeting nga ipahigayon sa NUStar Resort sa South Road Properties (SRP).
Tungod niini naka-full alert ang kapulisan diin magpahigayon ug mga random checkpoint ang 11 ka police station sa dakbayan sa Sugbo ug sa mga lugar nga na-identify nga border control.
Matod ni Police Colonel Ireneo Dalogdog, hepe sa Cebu City Police Office (CCPO), nga gawas sa kapulisan sa Cebu City, mopakatap usab sa ilang ginsakpan ang Mandaue City Police Office (MCPO) ug Cebu Police Provincial Office (CPPO).
Una niini, gi-inspekyon na kagahapon ni Police Regional Office (PRO 7) Director Brig. Gen. Anthony Aberin ang SRP aron masuta ang gihimong pagpangandam, ilabina ang Multi-Agency Coordinating Center nga gilangkuban sa nagkadaiyang mga ahensya sa gobyerno.//