CEBU - Andam na ang kapulisan sa Central Visayas sa seguridad tungod sa paglusad og rally sa pipila ka grupo atol sa ikaduhang State of the Nation Address (Sona) ni President Ferdinand ‘Bongbong’ Marcos Jr.Matod ni Police Brigadier General Anthony Aberin, hepe sa Police Regional Office (PRO 7) nga hugot ang ilang monitoring ug pagpatuman sa seguridad sa rehiyon aron dili makahimo og kasamok ang mga grupo.
Hinoon wala silay nabantayan nga adunay nagtinguha nga mohimog kagubot atol sa Sona karong adlawa, Hulyo 24, 2023.
Apan gipahibawo ni Aberin nga ilang ipatuman ang maximum tolerance ug irespeto ang katungod sa pagpadayag sa cause oriented groups.
Naka-istambay na usab ang mga personnel nga magsilbing Civil Disturbance Management (CDM) nga maoy moresponde kung dunay mahitabong kagubot.//