PUMANAW na sa edad na 25 ang K-pop star at miyembro ng boy band na Astro na si Moonbin.
Batay sa ulat ng Korean entertainment news, wala na umanong buhay nang matagpuan ng kanyang manager ang K-pop Idol sa loob ng kanyang tirahan sa Seoul’s Gangnam District, alas 8:00 ng gabi nitong Miyerkules.
Sa ngayon, wala pang inilalabas na opisyal na ulat hinggil sa sanhi ng pagkamatay ni Moonbin ngunit ayon sa SoKor police, pinag-uusapan na umano nila ang posibleng pagsagawa ng autopsy sa bangkay nito.
Si Moonbin ay ipinakilala bilang bahagi ng boy band na Astro noong taong 2016 kasama sina Jinjin, MJ, Cha Eun-woo, Sanha, at Rocky.
Ang naturang grupo ay nagdaos rin ng concert sa Pilipinas nitong buwan lamang ng Marso.### JDR