Giatangan ning adlawa ang Swimsuit Competition sa 22 ka mga kandidata sa Miss Kuyamis 2022 nga ipahigayon diha sa poolside sa Amaya View, dakbayan sa Cagayan de Oro.
Pinaagi sa virtual partikular sa Miss Kuyamis ug Explore MisOr Facebook pages mamahimong makasaksi ang tanan nga Pinangunahan sa Provincial Tourism Office.
Samtang pormal na usab nga gipaila ang set of judges alang sa Miss Kuyamis 2022 Swimsuit Competition nga gilangkoban nila ni Mr. Delon Vincent Simpao nga usa ka iladong fashion designer, celebrity stylist, fitness coach ug siya sab ang naghimo sa iconic gold national costumes nga “Belleza del Oro” ug “Diwata” ni Ms. Cinderella Obeñita sa Binibining Pilipinas ug Miss Intercontinental competitions.
Lakip sa hurado si Miss Intercontinental 2021 Cinderella Faye Obeñita, Mr. International 2013 Fourth Runner-up Mr. Gil Wagas, Jr. gikan sa Lapu-Lapu City sa Cebu Province, Binibining Pilipinas Face of Araneta City Ms. MA. Francesca Taruc, ug si Misamis Oriental Police Provincial Office Director PCOL. Raniel Valones.
Samtang piling bisita lamang ang aktwal makakita sa kompetisyon alang usab sa pagsunod sa health protocol batok Covid-19.